Fréttir

Vestfirsk samfélög og atvinnulíf hafa um árabil búið við lélegra flutningskerfi raforku miðað við aðra landshluta. Í þessari umsögn er fjallað um þrjá meginþætti í flutningsmálum raforku á Vestfjörðum;  úrbætur á svæðisbundnum flutningskerfum, úrbætur á flutningi raforku frá landskerfi og eða auka raforkuframleiðslu innan Vestfjarða. Lýst er vonbrigðum með að ekki er fjallað um uppbyggingu tengipunkts í innanverðu Ísafjarðardjúpi og bent á nýjar áherslur sem samþykktar hafa verið á Alþingi.

Þann 29. júní var haldinn fyrsti ársfundur Vestfjarðastofu, var hann haldinn á Bíldudal. Til umfjöllunar á ársfundinum voru meðal annars starfsáætlun Vestfjarðastofu fyrir komandi ár, verkefnin framundan og breytingar á samþykktum. Gögn fundarins má finna hér.   Eitt af því sem var kynnt á ársfundi Vestfjarðastofu var merki Vestfjarðastofu. Merkið er unnið af Þórhalli Kristjándssyni.

Þann 29. júní n.k. verður haldinn ársfundur Vestfjarðastofu. Fundurinn verður haldinn í félagsheimilinu Baldurshaga á Bíldudal. Fundurinn er frá 11:00-16:30. Dagskrá fundarins verður birt fljótlega.  Skráning á ársfundinn fer fram í netfanginu fv@vestfirdir.is   

Í dag kynnti Fjórðungssambandið ásamt fimm öðrum landshlutasamtökum niðurstöðu íbúakönnunar sem nær frá Skaftafellssýslum til og með Skagafirði (að undanskildu höfuðborgarsvæðinu). Efni könnunarinn ma finna á þessari vefslóð 

63. Fjórðungsþingi Vestfirðinga var haldið í vikunni en þingið var að þessu sinni haldið á Tálknafirði. Fyrir utan almenn aðalfundarstörf voru teknar fyrir tillögur milliþinganefnda um breytt atkvæðavægi sveitarfélaga á Fjórðungsþingum.

63. Fjórðungsþingi Vestfirðinga lauk í gær en þingið var að þessu sinni haldið á Tálknafirði. Fyrir utan almenn aðalfundarstörf voru teknar fyrir tillögur milliþinganefnda um breytt atkvæðavægi sveitarfélaga á Fjórðungsþingum.  Lagðar voru fram tvær tillögur, tillaga A miðaði við að sveitarfélög með 400 íbúa eða færri fengju einn fulltrúa, sveitarfélög með 401 til 2000 íbúa fengju 3 fulltrúa og sveitarfélög með 2001 íbúa og fleiri fengju 5 fulltrúa.  Tillaga B gerði ráð fyrir að hvert sveitarfélag hefur 300 atkvæði sem grunnatkvæði. Fyrir hvern einn íbúa sveitarfélagsins bætist við eitt atkvæði og er miðað við íbúafjölda á áramótum.

63. Fjórðungsþing Vestfirðinga verður haldið á Tálknafirði í dag, 2 . maí. Á þinginu verður ásamt venjubundnum aðalfundastörfum fjallað um tillögu milliþinganefndar FV um 4. grein samþykkta Fjórðungssambandsins. Fjórða grein fjallar um atkvæðavægi sveitarfélaga og er lagt til að í stað vogtölu verði tekið upp eftirfarandi leið:

Vestfjarðastofa, með stuðningi Byggðastofnunar, auglýsir eftir verkefnastjóra í verkefnið Brothættar byggðir sem fengið hefur nafnið „Öll vötn til Dýrafjarðar“. Verkefnastjóri gegnir hlutverki leiðtoga verkefnisins ásamt verkefnastjórn og starfar hann í umboði hennar að aðgerðum til eflingar byggðar og mannlífs á Þingeyri.

Í sumar verður ekið þrisvar í viku á milli Ísafjarðar og Patreksfjarðar.  Ferðirnar verða í samræmi við ferðir ferjunnar Baldurs. Ekið verður þrisvar í viku; mánudaga, miðvikudaga og föstudaga. Akstur mun byrja að fullu 1.júní og verður ekið allt sumarið til 31. ágúst 2018. Einnig er hægt að fá akstur frá 15. maí til 31. maí  og 1. til 15. september, en þá þarf að hringja og panta svo ferðin verði ekin.

Ráðstefna LungA skólans, Lýðháskólans á Flateyri og UMFÍ um lýðháskóla á Íslandi verður haldin í Norræna húsinu mánudaginn 23. apríl kl. 9-11.30. Ráðstefnan ber yfirskriftina „Hvernig á að búa til skóla úr engu? - 5 ára reynsla af stofnun og rekstri lýðháskóla á Íslandi og vegurinn framundan“