Vestfjarðastofa stendur fyrir fjöruferðum. Hinrik Carl Ellertsson matreiðslumeistari og Eydís Mary Jónsdóttir land- og umhverfisfræðingur, höfundar bókarinnar Íslenskir Matþörungar, munu bjóða gestum og gangandi í fjörumó og leiða þá inn í gómsætan heim íslenskra matþörunga. Þau munu kenna hvernig þekkja má algengustu matþörungana, hvernig má tína þá og verka á sjálfbæran hátt ásamt því að gefa hugmyndir að því hvernig má nota þá í matargerð.

Íbúafundur var haldinn í Árneshreppi 17. ágúst. Góð samstaða var á fundinum og almennur samhljómur um áframhald vinnunnar í verkefninu Áfram Árneshreppur!

Starfshópur sem skipaður var þann 24. janúar sl. fékk það hlutverk að móta tillögur um aðgerðir til að treysta atvinnulíf og búsetu á Flateyri við Önundarfjörð í kjölfar snjóflóðanna þann 14. janúar sl. Meðal aðgerða sem starfshópurinn gerði tillögur um er að veittir verði styrkir til nýsköpunar- og þróunarverkefna á Flateyri.

Miðvikudaginn 19. ágúst 2020 var haldið úthlutunarhóf í Nýsköpunarkeppninni Hafsjó af hugmyndum sem fram fór í fjarfundi. Markmið keppninnar er að ýta undir nýsköpun hjá frumkvöðlum og fyrirtækjum og hvetja háskólanema til rannsókna tengdum sjávarútvegi og samfélögunum á Vestfjörðum.

Verkefnið Sterkar Strandir hefur úthlutað styrkjum til 11 verkefna sem koma til framkvæmdar á tímabilinu 1. september – 1. apríl. Auglýst var eftir styrkumsóknum í júlí 2020.

Fjórðungssamband Vestfirðinga og Vestfjarðastofa hafa skilað inn umsögn um Kerfisáætlun 2020-2029. Gerð er krafa um flýtingu framkvæmda í ljósi uppbyggingar atvinnulífs og samfélaga á Vestfjörðum.

Í gær opnaði vefurinn Upplifðu á slóðinni www.upplifdu.is en vefurinn er samstarfsverkefni Markaðsstofa landshlutanna.

Eitt af áhersluverkefnum Sóknaráætlunar Vestfjarða var að styrkja og styðja við starfandi nýsköpunar- og samfélagsmiðstöðvar á Vestfjörðum. Vestfjarðastofa/Fjórðungssamband Vestfirðinga fékk stuðning úr Byggðaætlun til verkefnisins.

Í síðustu viku var 40 milljónum króna úr Öndvegissjóði Brothættra byggða úthlutað til sex verkefna í Brothættum byggðum. Fjórtán umsóknir bárust um styrki frá þeim sjö svæðum sem nú taka þátt í Brothættum byggðum, styrkbeiðnir námu kr. 162,5 milljónum og hlutu sex verkefni styrk.

Vestfjarðastofa vinnur nú að matarverkefni og byggir verkefnið m.a. á vaxandi áhuga fólks á því að vita um uppruna matvæla og að kynnast staðbundnum mat og matarvenjum. Búið er að setja saman könnun sem okkur þætti vænt um að þú gæfir þér tíma til að svara. Könnunin er á þremur tungumálum, íslensku, ensku og pólsku.