Fréttir

Alls hljóta 63 verkefni styrk að þessu sinni.

Í dag klukkan 16:00 verður Úthlutunarhóf Uppbyggingarsjóðs Vestfjarða. Þar verður tilkynnt hvaða umsóknir hlutu styrk fyrir verkefni sem koma til framkvæmda á árinu 2024 og sýnd innslög frá nokkrum fyrri styrkþegum. Hægt verður að fara inn á þennan viðburð á Facebooksíðu okkar  þar sem fundurinn fer fram. 

Vestfirskar ævintýraferðir á Ísafirði fengu í dag nýja og glæsilega rafmagnsrútu af gerðinni Mercedes-Bens frá Öskju. Gestum var boðið að skoða glæsikerruna í tilefni komu hennar á Ísafjörð. Rútan sem er 19 sæta mun sinna almenningssamgöngum á milli Ísafjarðar og Bolungarvíkur og er þetta fyrsta rafmagnsbifreiðin í almenningssamgöngum utan höfuðborgarsvæðisins að sögn Þorsteins Mássonar, framkvæmdastjóra Bláma.

Blábankinn á Þingeyri stóð fyrir hraðlinum Gervigreind í byggðaþróun dagana 28. nóvember – 1. desember. Alþjóðlegt lið leiðbeinenda leiddi umræður um notkun þessarar nýju tækni sem ljóst er að mun umbylta verklagi við upplýsingaöflun og gagnagerð áður en langt um líður. Kannski má orða það svo að framtíðin sé þegar hér og nú í okkar höndum að færa okkur í nyt með sem bestum hætti það sem hún hefur upp á að bjóða.

1. desember er hátíðisdagur í hugum margra og dagurinn að þessu sinni sannkallaður hátíðisdagur á Vestfjörðum er þá opnaði nýr vegkafli um Teigsskóg, sem er hluti af endurnýjun Vestfjarðavegar um Gufudalssveit.

Dagana 16.- 18. janúar næstkomandi munu stærstu aðilarnar í stoðkerfi ferðaþjónustu koma saman og standa fyrir viðburðum á höfuðborgarsvæðinu undir merkjum Ferðaþjónustuvikunnar. Áhersla verður lögð á að auka vitund um mikilvægi ferðaþjónustu, aukið samstarf og fagmennsku í greininni.

Úthlutunarnefnd og fagráð Uppbyggingarsjóðs Vestfjarða hafa lokið störfum við að fara yfir styrkumsóknir vegna ársins 2024.

Ríkiskaup, fyrir hönd Fjórðungssambands Vestfirðinga kt. 700573-0799 óska eftir tilboðum í þjónustu skipulagsráðgjafa við undirbúning og gerð svæðisskipulags

Síðasti dagur nóvembermánaðar er genginn í garð og því er fréttabréf Vestfjarðastofu fyrir mánuðinn komið út. Þar er farið yfir það helsta sem var í gangi hjá okkur í mánuðinum.

Þróunarsjóður Flateyrar úthlutar nú í fimmta og síðasta sinn. Sjóðurinn styrkir nýsköpunar- og samfélagsverkefni sem efla atvinnu- og mannlíf á Flateyri og Önundarfirði og er gert ráð fyrir 20 milljónum til úthlutunar.