Fréttir

Nú er rúmlega eitt ár liðið síðan ný Sóknaráætlun tók gildi. Það má með sanni segja að margt hafi gengið eftir og stöðugt er verið að vinna að þeim markmiðum sem sett var í Sóknaráætlun Vestfjarða 2020-2024. Unnin hafa verið verkefni sem styrkja Nýsköpunar- og samfélagsmiðstöðvar í sessi, verkefni Vestfjarðavegar hefur gengið vel þrátt fyrir heimsfaraldur og sýnileiki Vestfjarða hefur aukis til muna.

Landshlutasamtök sveitarfélaga standa fyrir málstofu um fjölmiðla og landsbyggðir miðvikudaginn 12. maí kl. 9-10:30. Fjallað verður meðal annars um vægi og birtingarmyndir íbúa á landsbyggðunum í frétta- og dagskrárefni, mikilvægi staðbundinna fjölmiðla, hlutverk og skyldur almannaþjónustumiðla gagnvart dreifðum byggðum og farið yfir dæmi frá Norðurlöndum. Viðburðurinn er haldinn í samstarfi við Byggðastofnun, RÚV, Háskólann á Akureyri og mennta- og menningarmálaráðuneytið.

Fréttabréf Vestfjarðastofu fyrir apríl 2012 er komið út - ertu ekki pottþétt á póstlistanum ?

Aðalfundadagur sem inniheldur Fjórðungsþing að vori og ársfund Vestfjarðastofu verða haldin miðvikudaginn 2. júní 2021 á Reykhólum. Aðalfundadagur hafði verið skipulagður þann 29. apríl en vegna óvissu vegna Covid ákvað stjórnir Fjórðungssambands Vestfirðinga og Vestfjarðastofu að færa fundinn fyrst til 20. maí en nú er endanleg dagssetning ákveðin eins og áður sagði 2. júní. Að þessu sinni er gert ráð fyrir staðfundi með möguleika á streymi fyrir þá sem vilja fylgjast með en ekki verður möguleiki á að taka þátt í atkvæðagreiðslum í fjarfundi. Nánari staðsetningar og dagskrá verða birt þegar nær dregur en skráning er möguleg strax.

Uppsprettan er nýr nýsköpunarsjóður á vegum Haga. Hlutverk sjóðsins er að virkja og styðja við frumkvöðla til nýsköpunar og þróunar í íslenskri matvælaframleiðslu.

Auglýst er eftir umsóknum um styrki til nýsköpunar- og samfélagsverkefna á Þingeyri og við Dýrafjörð úr Frumkvæðissjóði Brothættra byggða, sem verkefnisstjórn veitir úr í umboði Byggðastofnunar vegna ársins 2021.

Sveitarfélögin hafa fengið staðfest að þau hafi náð vottun sjötta árið í röð. Eru þau því með silfurvottun en til að fá gullvottun þurfa þau að hafa fengið vottun í 10 ár í röð. Náttúrustofa Vestfjarða hefur haft umsjón með Umhverfisvottuninni síðan 2019 og hefur verkefnastjóri verkefnisins tekið saman stöðuskýrslu fyrir árið 2020.

Vestfjarðastofa vill vekja athygli á vinnusmiðju um gerð samfélagsmiðlaefnis, myndbanda, frétta og hvers konar filmaðs efnis.

Vestfjarðastofa vann könnun í mars 2021 til að meta vægi skíðaferða og skíðanámskeiða. Valdir voru aðilar sem tengjast beint og óbeint þeim skíðahópum sem koma á námskeið eða á skíði á Ísafirði.

Frumkvæðissjóður Sterkra Stranda hefur úthlutað styrkjum til 15 verkefna.