Fréttir

Vestfjarðastofa býður framleiðendum að taka þátt í verkefni sem hefur það að markmiði að bæta markaðsstöðu og auka sýnileika vestfirskra matvæla

Jón Jónsson þjóðfræðingur á Kirkjubóli hlaut menningarverðlaun Strandabyggðar við upphaf Hamingjudaga á Hólmavík. Kristín Einarsdóttir í Hveravík hlaut hvatningarverðlaun.

Verkefnið Áfram Árneshreppur! hefur úthlutað styrkjum til 13 verkefna sem eiga að verða að raunveruleika í sumar og næsta vetur. Mörg spennandi verkefni fengu brautargengi og eiga eftir að auðga mannlífið og samfélagið í þessu fámennasta sveitarfélagi landsins.

Nú er farið í loftið auglýsingaátak með slagorðinu „Keyrðu kjálkann í sumar“.

Íbúaþingið verkefnisins Sterkar strandir var haldið á Hólmavík 12. og 13. júní sl. Þar mættu liðlega 60 manns og réðu þátttakendur því hvað um var rætt og forgangsröðuðu málefnum eftir mikilvægi. Þetta voru skilaboð íbúaþingsins; Tækifæri Strandabyggðar til framtíðar, felast í sterkri náttúru, magnaðri þjóðtrú og „kyrrðarkrafti“, sem gestir og íbúar geta notið. Sækja þarf fram með sameiginlegri markaðssetningu, ímyndarsköpun og vöruþróun.

Auglýst var eftir styrkumsóknum 29. apríl 2020 úr Frumkvæðissjóð sem verkefnisstjórn Allra vatna til Dýrafjarðar veitir úr í umboði Byggðastofnunar fyrir verkefnastyrki til nýsköpunar- og samfélagsverkefna á Þingeyri og við Dýrafjörð.

gær 11. júní voru tvö ár liðin frá því byggðaáætlun 2018-2024 var samþykkt og hann markaði jafnframt upphaf ferils endurskoðunar áætlunarinnar. Samgöngu- og sveitarstjórnarráðherra boðaði af því tilefni til samráðsfundar í Hafnarborg í Hafnarfirði og jafnframt var boðið upp á þátttöku í fjarfundi. Á fundinum var farið yfir stöðu byggðamál og samráð um endurskoðunina hófst. Fram kom að taka á saman grænbók um framkvæmd áætlunarinnar til þessa, hvað hefur gengið vel og hvað betur má fara.

Þá eru bara 6. dagar í skilafrest í nýsköpunarkeppninni "Hafsjó af hugmyndum" 15. júní 2020. Spennandi verkefni framundan í nýsköpun á Vestfjörðum.

Vestfjarðastofa/ Fjórðungssamband Vestfirðinga sótti um og fékk styrk úr Byggðaáætlun 2018 til verkefnis sem hafði yfirskriftina nýsköpunar- og samfélagsmiðstöðvar. Markmið verkefnisins var að kanna hvernig staðan væri á slíkum miðstöðvum á Vestfjörðum og hvort og þá hvernig grundvöllur væri fyrir slíkum miðstöðum víðvegar á svæðinu. Fyrsti fasi verkefnisins er greining með kortlagningu á aðstæðum í öllum byggðakjörnum Vestfjarða, sem byggjast á viðtölum við heimamenn, sveitastjórnir og þjónustuaðila. Þetta er nauðsynlegt til að fá heildaryfirsýn yfir starfsemi í öllum byggðakjörnum og mat á þörf. Sú úttekt sem hér er birt er niðurstaða þeirrar kortlagningar. Mikilvægt er að hver eining verði byggð upp á forsendum þess byggðakjarna sem hýsir starfsemina.

Hagsmunagæsla er einn þáttur í starfi Vestfjarðastofu/FV og meðal aðgerða tengdum hagsmunagæslu eru umsagnir um frumvörp og mál sem sett eru inn í Samráðsgátt stjórnvalda. Skrif á umsögnum eru nokkuð tímafrek vinna þannig að umsagnir eru aðeins skrifaðar um þau mál sem mestu skipta fyrir Vestfirði. Vestfjarðastofa skrifar einnig aðeins umsagnir um mál þar sem hagsmunir allra sveitarfélaga á svæðinu fara saman. Við skrif á umsögnum þarf að leita til hagsmunaaðila, sveitarfélaga, stjórna og nefnda sem málin varða.