Púkinn, barnamenningarhátíð á Vestfjörðum verður haldinn í annað sinn 15. - 26. apríl. Einstaklingar, skólar og stofnanir eru hvött til að efna til viðburða á hátíðinni. Hér er hægt að skrá viðburði og sækja um styrki til viðburðahalds.

Nemendur í áfanganum hönnun og nýsköpun við Menntaskólann á Ísafirði halda vörumessu í húsakynnum Vestfjarðastofu á Ísafirði miðvikudaginn 13. mars á milli klukkan 13 og 16:30. Vörumessan er hluti af Ungum frumkvöðlum JA Iceland. 

Kynnt verður verkefni, sem hófst árið 2022 um forsendugreiningu fyrir verndun Breiðafjarðar með tilliti til byggðaþróunar og sjálfbærrar nýtingar. Markmið fundarins er að heyra sjónarmið íbúa og hagaðila, stýrihópi verkefnisins til upplýsinga, en hann mun síðan gera tillögur til umhverfis-, orku- og loftslagsráðherra.

Í dag var Lilja Dögg Alfreðsdóttir ferðamálaráðherra með umræðu- og kynningarfund um ferðamálastefnu og aðgerðaáætlun til 2030 í Edinborgarhúsinu á Ísafirði. Þar var kynnt sú vinna sem hefur átt sér stað við að gera aðgerðabundna ferðamálastefnu – þá fyrstu sinnar tegundar hér á landi.

Við fögnum fyrsta degi marsmánaðar í dag með fréttabréfi Vestfjarðastofu fyrir ferbrúarmánuð. Í fréttabréfinu er að finna fréttir af fundum, málþingum, viðburðum, styrkþegum og sjóðum svo eitthvað sé nefnt. Þar er líka pistill framkvæmdastjóra sem fagnar fjölmenningunni en veltir fyrir sér málflutningi um innflytjendur í samfélögunum.

Í gær rann út umsóknarfrestur í Frumkvæðissjóð Sterkra Stranda. Óhætt er að segja að mikil gróskutíð ríki í hugmyndaauðgi Strandamanna því umsóknir hafa aldrei verið fleiri.

Opnað hefur verið fyrir umsóknir um styrki úr Lóu. Styrkirnir eru nýsköpunarstyrkir fyrir landsbyggðina sem hafa það hlutverk að styðja við eflingu byggða og landshluta með nýskapandi verkefnum. Styrkjunum er aðeins úthlutað til verkefna utan höfuðborgarsvæðisins í þeim tilgangi að styðja við atvinnulíf og verðmætasköpun sem byggir á hugviti, þekkingu og nýrri færni.

Undirbúningur fyrir barnamenningarhátíðina Púkann 2024 er kominn á fullt skrið og verður hann haldinn dagana 15.-26. apríl. Í endurmati á hinum fyrsta Púka sem fram fór síðasta haust kom fram að betur færi á að halda hátíðina að vori og því var ákveðið að kýla á næstu hátíð strax í vor, þó hún yrði minni í sniðum en sú fyrsta. Vestfirsk ungmenni völdu þema Púkans í ár sem er: Af hverju búum við hér?

Forsætisráðherra hefur stofnað nefnd um málefni Stranda sem tekið hefur til starfa. Markmið með skipan nefndarinnar er að skapa vaxtarskilyrði fyrir samfélag og atvinnulíf með sjálfbærni að leiðarljósi. Nefndin skal gera tillögur um hvernig megi efla byggðaþróun á svæðinu, m.a. með tilliti til fjárfestinga, atvinnuframboðs og atvinnutækifæra í Árneshreppi, Kaldrananeshreppi og Strandabyggð. Skila á forsætisráðherra tillögum eigi síðar en 1. júlí nk.

Rithöfundurinn Eiríkur Örn Norðdahl er einn þeirra sem stigu á stokk á málþinginu Af hverju orkuskipti: Loftslags- og orkuskiptaáætlanir sveitarfélaga sem haldið var í Edinborgarhúsinu á Ísafirði þann 8. febrúar. Erindi Eiríks Arnar nefnist „Það er heitt og það hitnar – um hamslausu þenslunnar hamslausu þenslu" og má sjá það og heyra hér.