Þátttakendur í MERSE, sem Vestfjarðastofa er aðili að, komu í heimsókn á Vestfirði dagana 9.-10. apríl. Mid Sweden University (Mittuniversitetet) leiðir verkefnið, en auk Svía taka þátt aðilar frá Noregi, Finnlandi, Írlandi og auðvitað Íslandi. Þetta er í annað skiptið sem hópurinn hittist á staðfundi og var áherslan núna á að undirbúa fasa tvö hjá verkefninu sem snýr að því að þróa stuðningskerfi fyrir samfélagslega nýsköpun.

Fjórðungsþing að vori var haldið í dag í Edinborgarhúsinu á Ísafirði. Þar komu saman kjörnir fulltrúar á Vestfjörðum. Á fundinum var farið yfir skýrslu stjórnar Fjórðungssambands Vestfirðinga og þeirra rekstrareininga sem það ber ábyrgð á, auk þess sem þar fór fram afgreiðsla ársreiknings 2023 og samþykkt endurskoðuð fjárhagsáætlun.

69. Fjórðungsþing Vestfirðinga að vori verður haldið í dag á Ísafirði. Minnum alla kjörna fulltrúa á að mæta. Ekki verður streymt frá þinginu að þessu sinni en upptökur munu koma af erindum á heimasíðu Vestfjarðastofu fljótlega eftir þingið.

Hæfnisetur ferðaþjónustunnar, Samtök ferðaþjónustunnar og Markaðsstofur landshlutanna bjóða til Menntamorguns ferðaþjónustunnar miðvikudaginn 10. apríl. Fundurinn verður í streymi og hefst kl. 9.00.

Komin er út Menntastefna Vestfjarða. Sigríður Kristjánsdóttir, framkvæmdastjóri Vestfjarðastofu átti í gær fund með Ásmundi Einari Daðasyni, barnamálaráðherra, þar kynnti hún fyrir honum Menntastefnu Vestfjarða og þá vinnu sem nú er í gangi um mótun nýrrar Sóknaráætlunar Vestfjarða.

Fjórðungssamband Vestfirðinga stendur fyrir fundi um fjarskiptamál á Vestfjörðum sem haldinn verður á Teams mánudaginn 8. apríl, kl. 12:30. Á fundinum mun Þorsteinn Gunnlaugsson ráðgjafi hjá Gagna kynna Fjarskiptaáætlun Vestfjarða

69. Fjórðungsþing Vestfirðinga að vori verður haldið 10. apríl 2024. Þingið verður haldið í Bryggjusal Edinborgarhúsins á Ísafirði.

„Leit að jafnvægi milli verndar og nýtingar“ var yfirskrift þriggja upplýsinga- og umræðufunda sem haldnir voru vegna verkefnis um framtíð Breiðafjarðar. Þriðji og síðasti fundurinn var haldinn á Birkimel á Barðaströnd, þriðjudaginn 26. mars, en áður voru sambærilegir fundir haldnir að Laugum í Sælingsdal og í Stykkishólmi.

Á morgun rennur út umsóknarfrestur í sumarviðburðasjóð Ísafjarðarhafna. Markmiðið með sjóðnum er að styrkja og bæta bæjarbrag í tengslum við skemmtiferðaskipakomur, þar sem áhersla er lögð á að efla menningu og mannlíf.

Þó marsmánuður sé ekki liðinn undir lok þá þurfið þið ekki lengur að bíða – því þökk sé páskaleyfi er fréttabréf Vestfjarðastofu þennan mánuðinn snemma á ferðinni!