Fréttir

Á fjárlögum ársins 2012 var fyrirkomulagi við úthlutun styrkja ríkisvaldsins til félaga, samtaka og einstaklinga breytt hvað varðar aðkomu fjárlaganefndar Alþingis. Úthlutun styrkja til einstakra verkefna var þá færð til ráðuneyta. Ákvörðun um framlag til einstakra málaflokka fer þó eftir samþykki Alþingis í fjárlögum 2014. Atvinnuvega- og nýsköpunarráðuneytið hefur nú auglýst sína styrki og er frestur til að sækja um þá til 4. desember. Nánari upplýsingar má finna undir þessum tengli, en einnig veitir Hulda Lilliendahl upplýsingar í síma 545-9700 eða í tölvupósti á hulda@anr.is. Reikna má með að önnur ráðuneyti auglýsi einnig nú.

Þann 13.nóvember var haldin ráðstefna undir heitinu Framtíð ferðaþjónustu á Vestfjörðum, Ímynd, fjármögnun og markhópar.Ráðstefnan sem haldin var á Suðureyri var mjög vel sótt, en um 50 manns mættu til að hlýða á erindi og taka þátt í vinnustofu.   Mörg fróðleg erindi voru á ráðstefnunni, má þar helst nefna erindi Andres Stenbakken Ferðamálastjóra Grænlands, en hann fjallaði um mörkun Grænlands og þá vinnu sem þeir hafa lagt í verkfæratösku ferðaþjóna.

Ráðstefnan Framtíð ferðaþjónustu á Vestfjörðum - Ímynd, fjármögnun, markhópar verður haldin á Suðureyri 13. nóvember 2013 kl. 10:30-17:00. Á ráðstefnunni verða mörg fróðleg erindi og þar verður unnið að stefnumótun til framtíðar í þessum málaflokki á Vestfjörðum. Hægt er að skrá sig á ráðstefnuna hjá markaðsfulltrúa í netfanginu diana@vestfirdir.is. Ráðstefnugjald er 4.500.- Ólöf Ýr Atladóttir ferðamálastjóri setur ráðstefnuna, en sérstakur gestur er Anders Stenbakken sem er framkvæmdastjóri Visit Greenland. Einnig er námskeið í markaðssetningu á netinu þann 12. nóvember.

Árlegt Fjórðungsþing Vestfirðinga var haldið dagana 11.-12. október í félagsheimilinu Árnesi í Trékyllisvík á Ströndum. Þingið er það 58. í röðinni og var nú haldið í fyrsta sinn í Árneshreppi. Sveitarstjórnarmenn á Vestfjörðum fjölmenntu á þingið og fóru þingstörfin vel og skipulega fram. Fjórðungsþingið ályktaði um fjöldamörg málefni sem varða heill og framtíð Vestfjarða. Einkum varð fundarmönnum tíðrætt um fjárlagafrumvarp ríkisstjórnarinnar fyrir árið 2014 og þau verkefni sem vestfirskum sveitarstjórnarmönnum finnst skorta að ríkisvaldið setji nægilegt fjármagn til. Ályktanir þingsins má nálgast undir þessum tengli og myndir frá Fjórðungsþinginu má finna á þessari síðu.

Skráning er hafin á námskeið í markaðssetningu á netinu og á ráðstefnu um ímynd Vestfjarða, námskeiðið verður haldið 12.nóvember og ráðstefnan daginn eftir, 13.

Í morgun hófst 58. fjórðungsþing Vestfirðinga í Trékyllisvík á Ströndum.Á dagskrá í dag voru margvíslegar ársskýrslur og ársreikningar, auk þess sem góðir gestir hafa ávarpað þingið.

Stjórn og starfsmenn Fjórðungssambands Vestfirðinga eru mættir í Trékyllisvík í Árneshreppi til að bera saman bækur sínar fyrir 58. Fjórðungsþing Vestfirðinga sem haldið verður föstudag og laugardag í Félagsheimilinu Árnesi.

Þann 10.júní hófst ljósmyndakeppnin Mínir Vestfirðir sem Markaðsstofa Vestfjarða stóð fyrir.Keppnin stóð í allt sumar eða til 31.

Markaðsstofa Vestfjarða fór ásamt fulltrúum Borea Adventures, Vesturferða og Westfjords Adventures á kaupstefnuna VestNorden 2013, sem að þessu sinni var haldin í Nuuk á Grænlandi.   Eitt af hlutverkum Markaðsstofu Vestfjarða er að kynna og markaðssetja Vestfirði sem áfangastað ferðamanna.

Bíldudalur - samtal um framtíðina, er verkefni á vegum Byggðastofnunar, Vesturbyggðar, AtVest, Fjórðungssambands Vestfirðinga og Háskólans á Akureyri. Það er hluti af stærra verkefni sem tekur til þriggja annarra byggðarlaga. Í verkefninu er lögð áhersla á samtal íbúa í byggðum sem búa við erfiða stöðu, um hvað þarf til að efla byggð og ekki síður, hvað samfélagið sjálft getur gert.