Fréttir

Menningarráð Vestfjarða auglýsir nú eftir umsóknum um styrki í tveimur flokkum á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga vegna ársins 2012. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum og eru umsóknir og verkefni hverju sinni borin saman á samkeppnisgrundvelli.  

Nú er að baki kynningarferð um Vestfirði þar sem Jón Jónsson menningarfulltrúi hélt fundi í vestfirskum þéttbýlisstöðum og kynnti starfsemi Menningarráðsins.

Vel hefur gengið með kynningar á Menningarráði Vestfjarða síðustu daga.Alls hafa 45 sótt kynningar sem Jón Jónsson menningarfulltrúi hefur staðið fyrir víða um Vestfirði og hefur besta þátttakan til þessa verið á Þingeyri.

Eins og kynnt hefur verið mun Menningarráð Vestfjarða nú í fyrsta skipti úthluta stofn- og rekstrarstyrkjum á þessu ári og er umsóknarfrestur um þá til 30. mars. Einnig hafa verið auglýst eftir umsóknum um hefðbundna verkefnastyrki og er frestur til að sækja um þá til 10. apríl. Aðeins verður auglýst einu sinni eftir verkefnastyrkjum á árinu 2012. Af þessu tilefni mun Menningarráð Vestfjarða standa fyrir kynningu á styrkjum ráðsins og stuttu námskeið um umsóknagerð víða um Vestfirði á næstu dögum.

Menningarráð Vestfjarða auglýsir nú eftir umsóknum um styrki í tveimur flokkum á grundvelli samnings mennta- og menningarmálaráðuneytis og iðnaðarráðuneytis við Fjórðungssamband Vestfirðinga vegna ársins 2012. Tilgangur styrkjanna er að efla menningarstarfsemi og menningartengda ferðaþjónustu á Vestfjörðum og eru umsóknir og verkefni hverju sinni borin saman á samkeppnisgrundvelli.   

Grein eftir Leif Ragnar Jónsson, formann Menningarráðs   Nú nýverið skrifaði Fjórðungssamband Vestfirðinga, f.h.sveitarfélaganna á Vestfjörðum, undir viðaukasamning við samning sveitarfélaganna við Mennta- og menningarmálaráðuneytið um menningarmál og framlög til þeirra í fjórðungnum.

Stjórn Fjórðungssambands Vestfirðinga ályktaði í á fundi sínum þann 20. febrúar 2012 um þingsályktun um samgönguáætlun 2011-2022.  Hér er stefnuyfirlýsing stjórnar sambandsins sett fram gagnvart þeirri þingsályktun sem nú er til umfjöllunar á Alþingi. Sett er sú krafa að verkefni í landsamgöngum á Vestfjörðum verði forgangsraðað upp á nýtt og verkefnum flýtt.  Ályktunin hefur verið send þingmönnum NV kjördæmis, umhverfs og samgöngunefnd og innanríkisráðherra.  Samgöngunefnd Fjórðungssambandsins vinnur nú að ítarlegri umsögn sem send verður umhverfis og samgöngunefnd Alþingis.

Menningarráð Vestfjarða hefur lokið vinnu við að fara yfir styrkumsóknir vegna seinni úthlutunar ráðsins árið 2011 og ákvörðun um framlög til einstakra menningarverkefna liggur fyrir. Úthlutanir ráðsins byggjast á úthlutunarreglum sem samþykktar eru hverju sinni. Ánægjulegt að sjá hversu mörg verkefni sem fá styrki nú snúast að hluta eða öllu leyti um vinnu við listsköpun með börnum og ungmennum. Menningarstarfsemi með þessum aldurshópi var einmitt einn af þeim áhersluþáttum sem horft var sérstaklega til að þessu sinni. 

Menningarráð Vestfjarða glímir nú við að fara yfir umsóknir vegna seinni úthlutunar árið 2011.Búast má við að svör liggi fyrir í byrjun næstu viku og verður þá send út fréttatilkynning um styrki.

Jón Jónsson menningarfulltrúi Vestfjarða er á leiðinni til Kanada þar sem hann mun taka þátt í ráðstefnunni Culture, Place & Identity at the Heart of Regional Development.